Россияда «omicron»нинг янада юқумли тури аниқланди
Россияда умумий вариантдан кўра юқумли ҳисобланган BA.2 «omicron» коронавирус штамми аниқланди. Ҳозиргача 200 дан ортиқ одам штаммнинг янги тури билан касалланган.
Унинг сўзларига кўра, BA.2 билан касалланиш ҳолатлари Москва, Мари Эл ва Бошқирдистон республикалари, шунингдек, Ростов вилоятида аниқланган.
«Бугунги кунга келиб, Россия миллий маълумотлар базасига 80 875 та геномик кетма-кетлик юкланган, улардан 8 239 таси омикрон геновариантидир. Шуни таъкидлашни истардимки, биз вазиятнинг кейинги ривожланишини ва ушбу вариантдаги мутацияларни диққат билан кузатиб борамиз. Бугун мен ҳисобот бермоқчиман, BA.2 линиясида 253 бемор бор, бу 3 фоиз. BA.3 линияси Россия Федерацияси ҳудудида аниқланмаган», деган Попова.
Мутахассиснинг таъкидлашича, қатор давлатларда BA.2 линиясининг янада юқумли экани ҳақида ахборотлар берилган.
Умуман олганда, бугунги кунга қадар Россиянинг 83 та ҳудудида 15 287 та ҳолатда “omicron”га чалиниш тасдиқланган.
