Ўзбекистон 9 ойда қанча бензин импорт қилгани очиқланди
Ўзбекистон 9 ойда 289 миллион литр автомобиль бензини импорт қилгани маълум бўлди.
Маълумотларга кўра, 2021 йилнинг январь–сентябрь ойларида Ўзбекистон қиймати 104 миллион долларга тенг бўлган 289 миллион литр автомобиль бензини импорт қилган. Кўрсаткич 2020 йилнинг мос даврига нисбатан 137 миллион литрга ошган.
Ўзбекистон автомобиль бензинини импорт қилган асосий давлатлар қуйидагилар:
- Россия — 140,5 миллион литр;
- Туркманистон – 126,8 миллион литр;
- Қозоғистон – 16 миллион литр;
- Ироқ – 3,6 миллион литр.
