Ўзбекистонда боғча болалари ва 1-синф ўқувчилари грипга қарши бепул эмланади
Мактабгача таълим ёшидаги болалар ва 1–синф ўқувчилари грипга қарши бепул эмланади.
Маълум қилинишича, ҳозирда боғча болалари ва бошланғич синф ўқувчиларининг грипга ҳамда ўткир респиратор касалликка чалиниш ҳолатлари ошмоқда. Шу сабабадан Ўзбекистон ҳудудида грипп юқтириш ва унинг оғир асоратларининг олдини олиш мақсадида Россияда ишлаб чиқарилган 2 миллион дозада «Гриппол плюс» вакцина келтирилган. Мазкур препаратнинг ножўя таъсири йўқлиги қайд этилган.
Таъкидланишича, барча мактабгача таълим ёшдаги болалар ва 1-синф ўқувчиларини «Гриппол плюс» билан бепул марказлашган ҳолда эмлаш режалаштирилган. Бунинг учун республика миқёсида 2753 та эмлаш пункти ташкил этилган.
