«Ўзбекистон темир йўллари» компанияси ўз серверларини ижарага беришини элон қилади

«Ўзбекистон темир йўллари» AJ серверларни жойлаштириш учун сервер хонаси (co-location), виртуал серверларни ижарага олиш (VPS) ва сервер бошқаруви бўйича хизматлар кўрсатиш бошланганини эълон қилади.

«Ўзбекистон темир йўллари» акциядорлик жамияти таклиф этилаётган хизматларнинг бир қатор афзалликларини ҳам айтиб ўтди:

• Барча талабларга жавоб берадиган ишончли, ихтисослаштирилган сервер хонаси;

• серверларингизни узлуксиз қувват билан таъминлаш: 3 та фидер ва дизелгенератор. Агар керак бўлса марказлаштирилган УПСга уланиш мумкин;

• керакли иқлим шароитларини (ҳарорат, намлик) сақлаш;

• замонавий ёнғин хавфсизлиги тизими;

• 24/7 тартибида малакали техник ёрдам;

• ускуналарингиз учун замонавий мониторинг тизими;

• ускуналар ва маълумотларга кириш ва хавфсизликни чеклаш;

• йирик провайдерларга уланиш.