Одам савдосида гумонланган аёл Туркиядан Ўзбекистонга экстрадиция қилинди
Ўзбекистон ҳудудида одам савдоси жиноятини содир этганликда гумонланиб, халқаро қидирувга берилган шахс Туркияда қўлга олиниб, экстрадиция қилинди. Бу ҳақда ИИВ матбуот хизмати хабар берди.
Қайд этилишича, 1981 йилда туғилган И.У. Жиноят кодексининг 135-моддаси 3-қисми (одам савдоси) бўйича Наманган вилояти ИИБ томонидан қидирувга берилган.
Тезкор маълумотларга асосан, ушбу шахс Туркиянинг Истанбул шаҳрида яшириниб юргани аниқланган ва 2024 йил 17 июнь куни қўлга олинган.
Белгиланган тартибда И.У. Ўзбекистонга экстрадиция қилинди.