Тошкентнинг 4 та туманида газ ўчирилди

Куз-қиш мавсумига тайёргарлик доирасида Учтепа, Чилонзор, Олмазор ва Шайхонтоҳур туманларининг айрим ҳудудларига 4 апрель куни соат 11:00 дан 18:00 гача табиий газ етказиб бериш вақтинча тўхтатилади. Бу ҳақда «Ҳудудгаз Пойтахт» хабар қилди.

Ҳудудлар:

• Учтепа тумани — «Диёробод» МФЙдаги 43 та кўп қаватли уй, 10 та улгуржи истеъмолчи.

• Чилонзор тумани — «Дўмбиробод» МФЙдаги 778 та, «Гавҳар» МФЙдаги 640 та, «Тирсакобод» МФЙдаги 528 та ва «Катта Дўмбиробод» МФЙдаги 864 та ерли хонадон, 20 та улгуржи истеъмолчи.

• Олмазор тумани — «Ҳастимом» МФЙдаги 135 та ерли хонадон, 2 та улгуржи истеъмолчи.

• Шайхонтоҳур тумани — «Гулбозор» МФЙдаги 730 та ерли хонадон ва 54 та кўп қаватли уй, 18 та улгуржи истеъмолчи.

Таъкидланишича, таъмирлаш ишлари тугатилгандан сўнг, табиий газ таъминоти қайта тикланади.

Юзага келаётган ноқулайликлар учун газ таъминоти филиали истеъмолчилардан узр сўрайди.