Ҳудудларда 16 та автовокзал ва автостанциялар қурилади
2025 йилга мўлжалланган давлат дастури лойиҳаси муҳокама учун эълон қилинди.
Унга кўра, ҳудудларда жамоат транспорти тизими ривожлантирилади. Шу боис, жамоат транспортининг 50 та янги йўналишлар тармоғи ташкил этилади.
Бундан ташқари, 16 та автовокзал ва автостанциялар қуриш ва реконструкция қилиш кўзда тутилган.
Шунингдек, жамоат транспортида электрон тўловларни ошириш ва электрон тўловлар улушини ўртача 30 фоизга етказиш (ҳозир 15 фоиз) режалаштирилган.
Ҳудудларда жамоат транспорти учун янги замонавий жами 700 та автобус харид қилинади.
Автобуслар ҳаракатига устуворлик бериш мақсадида ҳудудларда жамоат транспорти учун алоҳида автобус йўлакларини 150 кмга етказиш назарда тутилган.
Аввалроқ, Ўзбекистондан Хитой, Россия ва қўшни давлатларга янги автобус қатновлари йўлга қўйилгани ҳақида хабар берган эдик.
