Кун қаҳрамони: Кристина Ивченко — фото
Кристина Ивченкони «Tabloid» кун қаҳрамони сифатида эълон қилди.
Кристина Ивченко ҳозирда 21 ёшда. У Мирзо Улуғбек номидаги информатика коллежида интернет ресурслар дизайнери йўналишида ўқиган. Кристина болалигидан чиройли кийимлар кийишни яхши кўрган. Шу сабабли у мода оламига кириб борди.
У суратга олишни ва суратга тушишни ёқтиради. Қиз, шунингдек, блогерлик билан ҳам шуғулланади ва «Stock Centre Fashion Luxury Outlet» аёллар дўконида моделлик қилади.
Кристина 18 ёшида «Podium Italia» савдо уйида стилист-маслаҳатчи сифатида иш бошлаган. У, шунингдек, «Fashion Luxury» техникаси бўйича машғулотларда қатнашган. Елена Столярскаянинг тренингларидан сертификат олган.
У бир йилдан буён мамлакатдаги энг йирик ҳашаматли савдо дўконида — «Fashion Luxury Outlet»да ишлайди.
«Ҳашаматли брендлар билан ишлаш ва жаҳон брендларининг кийимларини кийиш жуда зўр. Мен бозорларда сотиладиган қалбаки маҳсулотларга қаршиман. Яхшиси, асл нусхадаги кийимларни тўплаш, харид қилаётганда 100 фоиз сифатлисиги қараш керак», — дейди Кристина.