Таниқли қўшиқчи Ариана Гранде турмушга чиқаётганини маълум қилди — фото
Америклик машҳур қўшиқчи ва актриса Ариана Гранде ўзининг Instagram саҳифасида севгилиси Дальтон Гомесга турмушга чиқишга розилик белгиси сифатида ундан олган олмос ва марвариддан ясалган узук суратини эълон қилди.
Қўшиқчи Instagram’ида Дальтон Гомес унга совға қилган қимматбаҳо узукни намойиш этган. Тахмин қилинишича, узукнинг нархи 350 минг долларни ташкил этади.
Хонанданинг 25 ёшли севгилиси Дальтон Гомес Лос-Анжелесдаги «Aaron Kirman Group»кўчмас мулк агентлигида риелтор сифатида ишлайди. Йигит бу касб билан 5 йилдан бери шуғулланади ва ишида катта муваффақиятларга эришган.
Юлдуз мухлислари ва бошқа таниқли шахслардан кўплаб табрикларни қабул қилган. Унинг ушбу пости 12,5 миллиондан ортиқ лайк тўплаган.
Маълумот учун, Араиана Грандени Instagram’да 211 миллион киши кузатиб боради.
Аввалроқ хонанданинг Instagram’да энг таниқли аёл бўлгани маълум қилинган. Ўшанда у обуначилари сони бўйича Селена Гомесни ортда қолдирган эди.