4-апрелдан Тошкентда юк автомобиллари ҳаракати вақтинча чекланади

Тошкент шаҳрида юк автомобиллари ҳаракати вақтинча чекланади. Бу ҳақда Тошкент шаҳар ИИББ Йўл ҳаракати хавфсизлиги бошқармаси матбуот хизмати хабар берди.

4-апрелдан 9-апрелгача пойтахтда Парламентлараро иттифоқининг 150-юбилей ассамблеяси тадбирлари ўтказилиши режалаштирилган. Шу вақт ичида Тошкентнинг марказий кўчаларида юк транспорт воситаларининг ҳаракатини тўлиқ чеклаш кўзда тутилган.

Қурилиш обектларида оғир ва енгил вазнли барча тоифадаги юк ташувчи транспорт ҳайдовчилари фақат Тошкент ҳалқа автомобил йўлидан ҳаракатланишлари мумкинлиги маълум қилинди.

Пойтахт ИИББ вақтинчалик ноқулайликлар учун узр сўраб, ҳайдовчиларга ўз йўлларини олдиндан режалаштиришларини тавсия қилди.