Ўзбекистонда қор ёғиши сабабли бир нечта авиарейслар захира аэродромларга йўналтирилди

Фарғона водийсидаги кучли қор ёғиши туфайли бир нечта рейслар муқобил аэродромларга йўналтирилди. Бу ҳақда Uzbekistan Airports матбуот хизмати хабар берди.

Хусусан ушбу рейслар:

• S7 Airlines авиакомпаниясининг Иркутск — Андижон йўналишидаги S76311 рейси экипажи Ошдаги муқобил аэродромга йўналишга қарор қилди (махаллий вақт билан соат 00:01 да қўнди);

• Air Samarkand авиакомпаниясининг Жидда — Наманган йўналишидаги 9S5010 рейси экипажи Самарқанддаги муқобил аэродромга йўналишга қарор қилди (махаллий вақт билан соат 00:27 да қўнди);

• Ural Airlines авиакомпаниясининг Екатеринбург — Наманган йўналишидаги U62963 рейси экипажи Самарқанддаги муқобил аэродромга йўналишга қарор қилди (махаллий вақт билан соат 00:40 да қўнди);

• Uzbekistan Airways авиакомпаниясининг Самара — Наманган йўналишидаги HY9806 рейси экипажи Тошкентдаги муқобил аэропортга йўналишга қарор қилди (махаллий вақт билан соат 04:11 да қўнди);

• FlyOne Asia авиакомпаниясининг Мадина — Наманган йўналишидаги 7Q4452 рейси экипажи Тошкентдаги муқобил аэропортга йўналишни ўзгартиришга қарор қилди (махаллий вақт билан соат 06:05 да қўнди).

Ҳозирги вақтда Наманган халқаро аэропорти одатий режимда ишламоқда.