Хоразмда «Hyundai Elantra» 42 ёшли пиёдани уриб юборди
Хоразм вилояти Урганч туманида 11 март куни «Hyundai Elantra» 42 ёшли пиёдани уриб юборди.
Маълум бўлишича, воқеа соат 23:30 атрофида туман ҳудудидан ўтган 4-Р160 автомобиль йўлининг 3-километрида содир бўлган. Аниқланишича, 47 ёшли ҳайдовчи «Hyundai Elantra» автомашинасини бошқариб кетаётиб, йўлнинг белгиланмаган қисмидан ўтаётган 42 ёшли пиёдани уриб юборган.
Оқибатда жабрланувчи олган тан жароҳати туфайли шифохонада вафот этган. Ҳолат юзасидан Урганч тумани ички ишлар бўлими томонидан тергов ҳаракатлари олиб борилмоқда.
