Ўзбекистон деҳқон бозорларидаги озиқ-овқат маҳсулотлари нархлари эълон қилинди

Давлат статистика қўмитаси 28 октябрь куни Ўзбекистон ҳудудларидаги марказий деҳқон бозорларида кузатув ўтказиб, алоҳида турдаги озиқ-овқат маҳсулотларининг минимал-максимал нархларини келтирди.

Фото: «Tez News»

Суякли мол гўшти 45 000 сўмдан 60 000 сўмгача (кг)

Кузатув натижасига кўра, 1 кг суякли мол гўштининг минимал нархи Нукус шаҳрининг «Нукус деҳқон бозори», Урганч шаҳрининг «Урганч деҳқон бозори», Тошкент шаҳрининг «Эски жўва деҳқон бозори», «Фарҳод деҳқон бозори», «Қўйлиқ деҳқон бозори»даги арзонлаштирилган гўшт расталарида қайд этилган (45 000 сўм). Суякли мол гўштининг максимал нархи эса Нукус шаҳрининг «Нукус деҳқон бозори», Андижон шаҳрининг «Янги бозор деҳқон бозори», Жиззах шаҳрининг «Жиззах марказий деҳқон бозори» ва «Эски шаҳар деҳқон бозори», Навоий шаҳрининг «Саховат» бозори, Самарқанд шаҳрининг «Сиёб деҳқон бозори», «Темирйўл деҳқон бозори» ва «Дамариқ деҳқон бозори», Гулистон шаҳрининг «Гулистон деҳқон бозори», Янгийўл шаҳрининг «Ихтисослашган Янгийўл шаҳар деҳқон бозори», Урганч шаҳрининг «Урганч марказий деҳқон бозори», Тошкент шаҳрининг «Олой деҳқон бозори», «Эски жўва деҳқон бозори», «Қўйлиқ деҳқон бозори» ва «Миробод деҳқон бозори»да кузатилди (60 000 сўм).

Қўй гўшти 45 000 сўмдан 75 000 сўмгача (кг)

Қўй гўштининг минимал нархи кузатув натижасига кўра, Тошкент шаҳрининг «Фарҳод деҳқон бозори»да (45 000 сўм) рўйхатга олинган. Максимал нархи эса Тошкент шаҳрининг «Фарҳод деҳқон бозори» ва «Миробод деҳқон бозори»да (75 000 сўм) кузатилган.

Картошка 2 500 сўмдан 6 000 сўмгача (кг)

Кузатув натижаларига кўра, Наманган шаҳрининг «Наманган чорсу деҳқон универсал бозори», Чирчиқ шаҳрининг «Чирчиқ деҳқон бозори» ва Тошкент шаҳрининг «Қўйлиқ деҳқон бозори»да сотувдаги йирик бўлмаган картошканинг нархи минимал нарх сифатида (2500 сўм) қайд этилган. Шу билан бирга, Тошкент шаҳрининг «Олой деҳқон бозори» ва «Миробод деҳқон бозори»да сотувдаги сараланган картошканинг нархи максимал нарх сифатида (6000 сўм) қайд этилган.

Пиёз 800 сўмдан 3 500 сўмгача (кг)

Пиёз маҳсулотининг минимал нархи кузатув натижасига кўра, Тошкент шаҳрининг «Миробод деҳқон бозори»да (800 сўм) рўйхатга олинган. Максимал нарх сифатида эса Тошкент шаҳрининг «Миробод деҳқон бозори» ва «Олой деҳқон бозори»да сотувда бўлган сараланган пиёзнинг нархи кузатилган (3500 сўм).

Сабзи 1 000 сўмдан 5 000 сўмгача (кг)

Сабзи маҳсулотининг минимал нархи кузатув натижасига кўра, Нукус шаҳрининг «Нукус деҳқон бозори», Бухоро шаҳрининг «Бухоро марказий деҳқон бозори», Термиз шаҳрининг «Марказий деҳқон озиқ-овқат бозори», Гулистон шаҳрининг «Гулистон деҳқон бозори», Фарғона шаҳрининг «Фарғона шаҳар марказий деҳқон бозори»да (1 000 сўм) қайд этилган. Шу билан бирга, Тошкент шаҳрининг «Миробод деҳқон бозори»да тозаланган ва сараланган сабзининг нархи максимал нарх сифатида (5 000 сўм) қайд этилган.

Тухум 8 000 сўмдан 15 000 сўмгача (10 дона)

Кузатув натижасига кўра, Наманган шаҳрининг «Наманган чорсу деҳқон универсал бозори» ва Урганч шаҳрининг «Урганч марказий деҳқон бозори»да арзонлаштирилган таухум расталаридаги майда тухумнинг нархи минимал нарх сифатида қайд этилди (8000 сўм). Максимал нархи эса Тошкент шаҳрининг «Олой деҳқон бозори» ва «Фарҳод деҳқон бозори»да қайд этилган (15 000 сўм).

Гуруч 5 000 сўмдан 19 000 сўмгача (кг)

Кузатув натижаларига кўра, гуруч маҳсулотининг минимал нархи Нукус шаҳрининг «Нукус деҳқон бозори», Тошкент шаҳрининг «Эски жўва деҳқон бозори», «Олой деҳқон бозори», «Фарҳод деҳқон бозори» ва «Миробод деҳқон бозори»да («Нукус-2» навли гуруч 5000 сўм) қайд этилган. Максимал нарх эса Тошкент шаҳрининг «Миробод деҳқон бозори»да кузатилди («Лазер» навли гуруч 19 000 сўм).

Ўсимлик ёғи 11 000 сўмдан 17 000 сўмгача (литр)

Ўсимлик ёғи маҳсулотларининг кузатув натижасига кўра, минимал нархи Андижон шаҳрининг «Янги бозор деҳқон бозори» ва «Андижон шаҳар марказий деҳқон бозори», Янгийўл шаҳрининг «Ихтисослашган Янгийўл шаҳар деҳқон бозори», Тошкент шаҳрининг «Эски жўва деҳқон бозори», «Олой деҳқон бозори», «Фарҳод деҳқон бозори» ва «Миробод деҳқон бозори»да (маҳаллий пахта ёғи 11 000 сўм) кузатилди. Максимал нархи эса Янгийўл шаҳрининг «Ихтисослашган Янгийўл шаҳар деҳқон бозори»да ва Тошкент шаҳрининг «Миробод деҳқон бозори»да (кунгабоқар ёғи 17 000 сўм) кузатилди.

Шакар 5 800 сўмдан 8 000 сўмгача (кг)

Шакар маҳсулотининг минимал нархи, кузатув натижасига кўра, Тошкент шаҳрининг «Эски жўва деҳқон бозори», «Фарҳод деҳқон бозори», «Миробод деҳқон бозори» ва «Қўйлиқ деҳқон бозори»да (5800 сўм) қайд этилди. Максимал нархи эса Жиззах шаҳрининг «Жиззах марказий деҳқон бозори» ва «Эски шаҳар деҳқон бозори», Тошкент шаҳрининг «Олой деҳқон бозори»да (8000 сўм) кузатилди.

Аввалроқ Ўзбекистон деҳқон бозорларида 29 сентябрь куни ҳолатидаги озиқ-овқат нархлари маълум қилинган эди.