Сурхондарёда юк машинаси қарама-қарши йўналишдаги «Nexia» билан тўқнашди
Сурхондарё вилояти Узун туманида 10 декабрь куни юк машинаси қарама-қарши йўналишдаги «Nexia» билан тўқнашди.
Маълум бўлишича, воқеа соат 18:30 атрофида туман ҳудудидан ўтган автомобиль йўлининг 23-километрида содир бўлган. Аниқланишича, «Isuzu» юк машинаси ҳайдовчиси қоидани бузиб, йўлнинг қарама-қарши йўналишида тўхтаган ва дўконга кирган.
Таъкидланишича, у чиқаётган вақтида йўналишида келаётган «Nexia» машинаси билан тўқнашган. Оқибатда енгил машинадаги бир нафар йўловчи воқеа жойида ҳалок бўлган, ҳайдовчи эса шифохонага ётқизилган.
