Ўзбекистонда 1 июль куни иссиқ ва қуруқ об-ҳаво сақланиб туриши кутилмоқда
Тошкентда ҳаво кам булутли бўлади, деб хабар бермоқда «Ўзгидромет».
Фото: centre1.com
Хабарга кўра, бугун Ўзбекистонда иссиқ ва қуруқ об-ҳаво сақланиб туради. Шамол 7-12 м/с тезликда эсади. Ҳаво 36-41 даражагача, шимолда, жанубда ва чўл ҳудудларда 43 даражагача исийди.
Шунингдек, пойтахтда ҳаво кам булутли бўлади. Шамол 5-10 м/с тезликда эсади. Ҳаво ҳарорати 39-41 даража атрофида бўлади.
Таъкидланишича, республиканинг тоғли ҳудудларида ҳаво бироз булутли бўлади, баъзи жойларда ўзгариб туради, айрим ҳудудларда қисқа муддатли ёмғир ёғиши, момақалдироқ бўлиши мумкин. Шамол 7-12 м/с тезликда эсади. Ҳарорат 29-34 даража бўлади.
