Руминиядаги шаҳарларнинг бирида учбурчаксимон монолит топилди — видeo
Руминия шимолида ташқи кўриниши билан Стенли Кубрикнинг 2001 йилда суратга олинган «Фазовий саёҳатнома» фильмидагига ўхшаш учбурчаксимон монолит пайдо бўлди. Бу ҳақда «Meduza» хабар берди.
Кадр: YouTube
Таъкидланишича, 26 ноябрь куни Пятра-Нямс шаҳридаги Батка Доамней тепалигидан қирралари жимжимадор тасвирларга эга янги монолит топилган. «Daily Mail»нинг ёзишича, монолит милоддан аввалги 82 йилдан милоднинг 106 йилига қадар қурилган Петродавско-Дакийск қўрғони яқинидан топилган. Топилган монументнинг баландлиги тўрт метрга етган.
«Янги монолит кимга тегишли экани номаълум. У археологик ёдгорликнинг хусусий майдонида жойлашган. Руминия ҳукумати монолитнинг ким томонидан ўрнатилганини билмайди. Aрхеологлар сирли топилмани ўрганишни бошлаган» дейилади хабарда.
Шунингдек, АҚШнинг Юта штати жамоат хавфсизлиги департаменти ходимлари штатдаги чўл устидан вертолётда учиб ўтаётганда тахминан уч метр баландликдаги металл монолитни кўриб қолгани ҳақида хабар берилганди.
Вертолёт учувчиси Брет Хетчингснинг айтишича, монолит осмондан тушган эмас, у атайлаб ерга жойлаштирилганга ўхшайди. Унинг таъкидлашича, бу тош одам қўли билан ясалган. «Менимча, бу тош ‘2001: Фазовий саёҳатномаʼ фильмининг ашаддий мухлиси томонидан ишланган», дейди учувчи.
Аввалроқ Eрга рекорд даражада яқин масофадан кичик уй ҳажмидаги астероид учиб ўтгани ҳақида хабар берилганди. Шунингдек, aмерикалик олим Ернинг музлаткич катталигидаги астероид билан тўқнашиши мумкинлигини айтгани ҳақида хабар берилган.
