«Сиёсатга кириб келганимдан кейин баъзи бир жабҳаларда ҳақиқий артистлар шу ердалигини кўряпман» — Жаҳонгир Отажонов

Жаҳонгир Отажонов BBC’га берган интервьюсида ижтимоий тармоқларда тарқалган ўз партиядошлари унга нисбатан «иш» қилишаётганлиги ҳақидаги суратларга изоҳ берди.

Фото: Tbld.uz

«Кечагина бизнинг партямиз раисларини, яъни устозларимизни худди улар ўзаро мен ҳақимда суҳбат қилишганини ижтимоий тармоқларда сиздиришган. Ким қилган бўлса ҳам майли. Мен бунинг нима сабабдан қилинганини ҳам билмайман», — дейди Отажонов.

Шунингдек, у сиёсатдаги айрим инсонларни «сиёсатдаги артистлар» деб атаган.

«Бу қизиқ ҳолатда! Сиёсатга кириб келганимдан кейин баъзи бир жабҳаларда ҳақиқий артистлар шу ердалигини кўряпман».

Жаҳонгир Отажонов партияни тузишда тўсиқларга учраётганлигини билдирган.

«Унақа даражада бошимиз ишламайдиган одаммасмизки, бунақа «провакация»ларга илинсак», — дея таъкидлаган собиқ хонанда.

Шунингдек, суҳбатда у қариндошларини ҳам таъқиб қилишаётганини таъкидлаган.

«Мен ҳақимда савол-жавоб қилиш мақсадида Хоразимдаги қариндошларимизни баъзи бир куч ишлатар тизимларга таклиф қилишяпти».

Эъслатиб ўтамиз, бир неча кун олдин ижтимоий тармоқларда Жаҳонгир Отажонов партиядошларининг унга нисбатан танқидий суҳбати ҳақида суратлар тарқалган эди.