Тошкентда фуқарони ишга киритиб қўйиш эвазига пул талаб қилган шахс ушланди
Учтепа туманида фуқарони ишга киритиб қўйишни ваъда қилган шахс ушланди. Бу ҳақда Прокуратура департаменти хабар қилди.
Маълум бўлишича, фуқаро Н.М. ноқонуний даромад орттириш мақсадида, фуқаро У.нинг ишончига кириб, уни танишлари орқали бюджет ташкилотларидан бирига ишга киритиб қўйиш эвазига 1 000 АҚШ долларини олган вақтида ашёвий далиллар билан Бош прокуратура ҳузуридаги Департамент ҳамда ДХХнинг туман бўлимлари томонидан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
