«Бизни шарманда қиляпти»: ижтимоий тармоқларда Наманган бўйлаб «Эр излаяпман» ёзуви билан сайр қилган қизни танқид қилишди
Фойдаланувчилар унинг пости остида қаҳр-ғазабга тўла изоҳлар қолдиришди.
2023-йилнинг ёз ойида рус блогерлари орасида гавжум кўчалар бўйлаб эр қидириш ҳақидаги тренд машҳурлаб кетганди.
Яқинда яна бир қиз Наманган бўйлаб «Эр излаяпман» ёзуви билан сайр қилишга қарор қилди.
Бир сўз билан айтганда, фойдаланувчилар қизнинг ҳатти-ҳаракатини қаттиқ танқид қилишди ва унинг ўзбек қизлар шаънини поймол қилаётганликда айблашди.
«Битта сенми эрсиз яшаётган. Нега ўзбек қизларини ерга уриб, шаънини бир тийин қиляпсизлар? Қанча эрсизлар ҳам яшаяпти, ўлгани йўқ», «Ким бу шармандали трендни ўйлаб топган?», «Ота-онанг сенга тарбия берсин», – деб ёзишган фойдаланувчилар.
