Namanganda stikersiz avtotransportda harakatlanish bo‘yicha cheklov o‘rnatildi
Avtotransport vositalarining maxsus ruxsatnomasiz (stikersiz) harakatlanishiga kunning muayyan vaqtida ruxsat beriladi. Bu haqda Namangan viloyati IIB YHXB matbuot xizmati ma’lum qildi.
Respublika maxsus komissiyasining 14-maydagi 23-son bayoni 6-bandiga muvofiq avtoulovlarning maxsus ruxsatnomasiz harakatlanishiga soat 07:00 dan 10:00 gacha va 17:00 dan 20:00 gacha ruxsat berildi. Bundan tashqari vaqtda esa fuqarolarnining harakatlanmasliklarini so‘raymiz, deyiladi xabarda.
Ma’lumot o‘rnida, yuqoridagi tartib-qoidalar respublikada koronavirus kasalligining kirib kelishi va tarqalishining oldini olish yuzasidan chora-tadbirlar dasturini tayyorlash bo‘yicha 2020-yil 30-iyundagi respublika maxsus komissiyaning 31-sonli yig‘ilish bayonining 16-bandida belgilab berilgan.
Eslatib o‘tamiz, Namangan viloyatida infeksiyaga chalinganlar soni 5-iyul holatiga ko‘ra, 305 kishini tashkil etgan.