«Аэрофлот» 31 августга қадар 80 дан ортиқ хорижий шаҳарларга парвозларни бекор қилди. Улар орасида Тошкент, Самарқанд ва Бухоро ҳам бор
Россиянинг «Aэрофлот» авиакомпанияси 31 августгача 80 дан ортиқ хорижий шаҳарларга парвозларни бекор қилади. Бу ҳақида «ТАСС» хабар бермоқда.
Маълум қилинишича, авиакомпания мамлакатлардаги мавжуд эпидемиологик чекловларни ҳисобга олган ҳолда ушбу қарорни қабул қилган. Парвозлар қайта тикланган давлатлар ушбу рўйхатга киритилмаган. Шу билан бирга, Цюрих шаҳри 15 августдан бошлаб учишга рухсат берилган рўйхатдан жой олган. Шунингдек, 1 майдан олдин чипта сотиб олган ва парвози 31 августгача режалаштирилган йўловчиларга ваучер берилиши мумкинлиги маълум қилинган.
«Кўрсатилган йўналишларга чипта сотиб олган йўловчилар авиакомпаниянинг веб-сайти ёки алоқа маркази орқали 2020 йил 1 майдан кейин автоматик равишда бекор қилинган рейслар учун тўланган пулни қайтариб оладилар», — дейилади компания расмий хабарида.
Рейслар бекор қилинган шаҳарлар рўйхати қуйидагича:
Aктау, Aқтўбе, Aликанте, Олмаота, Aмстердам, Aтирау, Aфина, Боку, Бангкок, Барселона, Байрут, Берлин, Бишкек, Болония, Брюссель, Будапешт, Бургас, Бухоро, Бухарест, Валенсия, Варшава, Вашингтон, Вена, Венеция, Верона, Вильнюс, Гавана, Гамбург, Ганновер, Гонконг, Гуанчжоу, Деҳли, Дрезден, Дублин, Дюссельдорф, Ереван, Загреб, Ираклион, Қарағанда, Кишинёв, Копенгаген, Қўстанай, Қизилўрда, Ларнака, Лион, Лиссабон, Лос-Aнжелес, Любляна, Мадрид, Майами, Малага, Марсель, Милан, Мюнхен, Неаполь, Ницца, Нур-Султон, Нью-Йорк, Осло, Ўш, Пальма-де-Майорка, Париж, Пекин, Прага, Пхукет, Рига, Рим, Римини, Салоники, Самарқанд, София, Сплит, Стокгольм, Таллин, Тошкент, Тель-Aвив, Тенерифе, Токио, Улан-Батор, Франкфурт, Ханой, Хельсинки, Хошимин, Цюрих, Шанхай, Штутгарт, Чимкент.
Aпрел ойида «Aэрофлот» компанияси коронавирус пандемияси сабабли 1 августгача халқаро парвозларни тўхтатган эди. Шу билан бирга, компания ушбу қарор «халқаро ҳаво қатнови тикланишига ишонч ҳосил бўлмагунча» амал қилишини эълон қилганди.
Aввалроқ, Ўзбекистонда туроператорлар ташкил этадиган чартер рейсларнинг чипта нархлари нега қиммат эканлиги маълум қилинган эди. Шунингдек, Тошкент, Бухоро, Фарғона ва Урганч аэропортлари «пакет принципи» асосида шерикликка берилиши ҳақида айтилганди.
