Россияда 5 нафар фарзанди билан қийин аҳволда қолган Ўзбекистон фуқароси мамлакатга қайтарилди
Россиянинг Владивосток шаҳрида 5 нафар вояга етмаган фарзандлари билан молиявий қийин аҳволда қолган фуқаро Ш.Х Ўзбекистонга қайтиб келишига кўмаклашилди. Бу ҳақда Ташқи меҳнат миграцияси агентлиги хабар қилди.
Маълум бўлишича, аёл ва фарзандлари Владивосток шаҳридаги фаол ватандошлар, «Восток-Бухара» масъулияти чекланган жамияти ва Ўзбекистоннинг Владивосток шаҳридаги Бош консулхонаси ҳамкорлигида Владивосток-Бухоро йўналиши бўйича ташкиллаштирилган чартер авиарейси орқали Ўзбекистонга олиб келинди.
Эслатиб ўтамиз, аввалроқ Россияда қийин аҳволда қолган 7 нафар Ўзбекистон фуқароси мамлакатга қайтарилди деб хабар берган эдик.