Андижонда алимент тўламаган уч нафар эркак 15 суткага қамалди

Андижон вилоятида алиментни ўз вақтида тўламаган уч ота ҳибсга олиниб, уларга нисбатан 15 сутка қамоқ жазоси тайинланди. Бу хақда вилоят Мажбурий ижро бюроси органлари ҳабар бермоқда.

Ҳибсга олинганларнинг бири фарзанди учун алиментни ўз вақтида тўламаган. Аниқланишича эркакнинг 23 миллион 903 минг сўм қарздорлиги бўлган. Судда айбланувчи ишсизлиги сабаб керакли пулларни тўламаганини тан олган.

Бошқа бир отанинг икки фарзанди учун умумий миқторда 16 млн сўм алимент қарзи борлиги маълум бўлган.

Суд мажлисида шу каби алимент тўловларига масъулиятсизлик билан қараган 5 нафар қарздорнинг жавобгарлиги масаласи кўриб чиқилган.

Улардан уч нафари 15 суткалик маъмурий қамоққа олиниб, қолган 2 нафарига қарздорликни бартараф этиш учун муддат берилган.