Шофирконда 11-синф ўқувчиси бир нечта халқаро сертификатни қўлга киритди

Бухоро вилояти Шофиркон туманидаги мактабнинг 11-синф ўқувчиси Халқ таълими вазирлиги, Coursera ва ITSM томонидан тақдим этилган Coursera таълим платформаси орқали халқаро сертификатни қўлга киритган. Бу ҳақда туман ҳокимлиги матбуот хизмати хабар берди.

Фото: Шофиркон туман ҳокимлиги матбуот хизмати

Таъкидланишича, Шофиркон туманидаги 11-умумий ўрта таълим мактабининг 11-синф ўқувчиси Дилбар Тўрамуродова Калифорния штати Ирвайн университетининг ҳамда Aтланта штати Жоржия институтининг тил ўрганиш бўйича бир нечта халқаро сертификати соҳиби бўлган.

Қайд этилишича, Дилбар ҳозирда мазкур платформа орқали English for Effective Business Speaking, English Composition I, English for Research Publication Purposes каби курсларда фаол иштирок этиб онлайн таълим олиб келади.

Aввалроқ Бухоролик мактаб ўқувчиси яратган дастурлар таълим тизимига татбиқ этилгани ҳақида хабар берилганди.