Ўзбекистонга ЕХҲТнинг амалдаги раиси ташриф буюрди

13 апрель куни Европада хавфсизлик ва ҳамкорлик ташкилотининг раиси Швеция ташқи ишлар вазири икки кунлик ташриф билан Ўзбекистонга келди. Бу ҳақда «Дунё» АА хабар қилди.

Фото:ru.sputnik.kz

Хабарга кўра, ташриф дастурида Олий Мажлиси Сенати ва Ташқи ишлар вазирлигида икки томонлама музокаралар ўтказиш кўзда тутилган. Учрашувда ЕХҲТ доирасидаги ўзаро ҳамкорликнинг долзарб масалалари ҳамда Ўзбекистон-Швеция алоқаларини ривожлантириш истиқболларини муҳокама қилиниши кутилмоқда.

Шунингдек, Ўзбекистон Президенти Администрацияси раҳбарининг ўринбосари — президент матбуот котиби Шерзод Асадовнинг маълум қилишича, Анн Кристин Линде Ўзбекистон президенти томонидан ҳам қабул қилинади.