Ўзбекистон дунёнинг энг яхши давлатлари рейтингига киритилди

Ўзбекистон биринчи марта дунёнинг энг яхши мамлакатлари рейтингига кирди. Бу ҳақда Американинг U.S. News & World Report журналига асосланиб, Qalampir хабар берди.

Маълум қилинишича, рейтингда Ўзбекистон 78 мамлакат орасида 73-ўринни эгаллаган. Рейтингни тузишда саёҳат, маданий таъсир, тадбиркорлик, бизнес очиш имкония, ҳарбий қудрат, яшаш даражаси, ижтимоий мақсад ва бошқа категориялар инобатга олинган.

Қайд этилишича, Марказий Осиё давлатларидан Қозоғистон (72-ўрин) ҳам рейтингга киритилган. Қирғизистон ва Тожикистон эса йўқ.

Таъкидланишича, топ-5 таликка Канада, Япония, Германия, Швейцария ва Австралия кирган. АҚШ 6-ўринда. Охирги ўринларни Сербия (76-ўрин), Эл-Салвадор (77-ўрин) ва Ироқ (78-ўрин) эгаллаган.

Шунингдек, рейтингда Россия 24-ўринни банд қилган.