Aндижонда аҳолини камбағалликдан чиқариш мақсадида 5 нафар фуқарога броллер жўжалари топширилди (фото)
Миллий гвардия Aндижон вилояти бўйича бошқармаси ҳамда Қўриқлаш бошқармаси масъул ходимлари томонидан махалла мутасаддилари билан уйма-уй юрилиб, кам таъминланган, ногирон, боқувчиси йўқ, эҳтиёжманд оилаларнинг яшаш шароити яқиндан ўрганилмоқда. Бу ҳақда Миллий гвардия матбуот хизмати хабар қилди.
Фото: Миллий гвардия матбуот хизмати
Хабарга кўра, 20 август, пайшанба куни Aндижон шаҳар «Янги ҳаёт» МФЙда истиқомат қилувчи 1-гуруҳ ногирони Д.Миролимов ҳолидан хабар олиниб, ҳаракатланиши учун зарур бўлган ногиронлик аравачаси топширилди. Оила аъзолари билан суҳбатлашиб, муаммолари ва уларни бартараф этиш йўллари кўриб чиқилган.
Фото: Миллий гвардия матбуот хизмати
Шунингдек, аҳолини камбағаликдан чиқариш чора-тадбирларини амалга ошириш доирасида Қўриқлаш бошқармаси ходимлари туман кенгаши депутати И.Исроилова билан «Бобохуросон» МФЙда яшовчи кам таъминланган 5 нафар фуқаро — С.Дадахўжаева, Ў.Бобоева, Б.Сотволдиев, Г.Тилаволдиева ва Г.Ориповага хонадонларида паррандачиликни йўлга қўйиш учун кўмак сифатида броллер жўжалари топширилган.
Фото: Миллий гвардия матбуот хизмати
Фото: Миллий гвардия матбуот хизмати
Эслатиб ўтамиз, Бухородаги 15 та меҳмонхона ва сайёҳлик компаниялари вакилларига шахсий ҳимоя воситалари тарқатилгани ҳамда Шаҳрихонда инсультга чалинган фуқарога ногиронлар аравачаси ва озиқ-овқат маҳсулотлари топширилгани ҳақbда хабар қилинганди.
