Булунғурда салкам 2,3 млрд сўмга қурилган 270 ўринли мактаб биноси фойдаланишга топширилади
Самарқанд вилояти Булунғур туманида 1 октябрь, пайшанба куни 270 ўринли мактаб биноси фойдаланишга топширилади. Бу ҳақда туман ҳокимлиги матбуот хизмати хабар қилди.
Фотo: Булунғур туман ҳокимлиги матбуот хизмати
Хабарга кўра, ушбу мактаб биноси тумандаги «Эрганакли» маҳалласида жойлашган 35-умумий ўртатаълим мактабига қўшимча тарзда қурилган. Шунингдек айни вақтда қурилиш ишлари якунланиб, бинони пардозлаш ишлари амалга оширилмоқда.
Фотo: Булунғур туман ҳокимлиги матбуот хизмати
Фотo: Булунғур туман ҳокимлиги матбуот хизмати
Қайд этилишича, 35-умумий ўртатаълим мактаби учун 2020 йилда «Инқирозга қарши курашиш» дастури доирасида 2,3 миллиард сўм ажратилган бўлиб, мазкур янги мактаб биноси ушбу маблағлар эвазига қурилди.
Фотo: Булунғур туман ҳокимлиги матбуот хизмати
Эслатиб ўтамиз, аввалроқ Нурободда 428 миллион сўмга қурилган 3 та ва 324 миллион сўмга қурилган 2 та мактаб филиали биноси ҳамда 2 та маҳалла фуқаролар йиғини биноси фойдаланишга топширилгани ҳақида хабар берилган эди. Шунингдек, Наманганда 5,5 миллиард сўмлик футбол мактаби ва Марҳаматда бир кунда учта янги боғча фойдаланишга топширилгани ҳақида маълум қилинди.
