Беларусдаги намойишларда тахминан 120 киши ҳибсга олинди
Беларусь пойтахти Минск шаҳрида ўтказилган митинг пайтида тахминан 120 киши ҳибсга олинган, дейди шаҳар полицияси бошлиғи Иван Кубраков. Унинг нутқи видеоси «Belta» давлат агентлигининг Telegram каналида пайдо бўлди.
Фото: «РИА Новости»
«Ички ишлар органлари ходимлари Марказий туман Ички ишлар бўлимига ҳужум қилган, шунингдек, жойларда тартибсизликлар уюштирган фаол иштирокчиларни ҳибсга олди», — дейди Иван Кубраков.
Кубраковнинг таъкидлашича, намойишчилар Ички ишлар вазирлигининг хизмат машиналарига тош отган. Шундан сўнг бўлим ходимлари махсус техника ва жисмоний куч ишлатган. Минск полицияси раҳбарининг таъкидлашича, ушбу чоралар ёрдамида ҳуқуқни муҳофаза қилиш органлари ходимлари мухолифат тарафдорларига шаҳар марказини ўз назоратига олишга йўл қўймаган.
Минскдаги норозилик намойишлари
Минскда якшанба, 25 октябрь куни оппозициянинг минглаб юришлари бўлиб ўтган. Эрталаб шаҳарда хавфсизлик чоралари кучайтирилган. Хавфсизлик хизмати ходимлари ва махсус техника пойтахт марказига тортилган, 12 та метро бекати тўхтатилган.
Гувоҳларнинг сўзларига кўра, хавфсизлик кучлари митинг иштирокчиларига қарши гранаталар ва резина ўқлардан фойдаланган. Намойишчилар орасида қурбонлар бўлган. Полиция намойишчиларнинг ноқонуний ҳаракатларини бостириш учун махсус воситалардан фойдаланганликларини маълум қилди.
Беларусь президентлигига собиқ номзод, оппозиция лидери Светлана Тихановская октябрь ойининг ўрталарида илгари сурган ультиматум муддати 26 октябрь куни тугайди. У президент Александр Лукашенкодан истеъфога чиқишини 26 октябрга қадар эълон қилишни, кўчалардаги зўравонликни тўхтатишни ва сиёсий маҳбусларни озод қилишни талаб қилган. Агар у рад этса, Тихановская уни оммавий норозиликлар, иш ташлашлар, йўлларни тўсиш ва давлат дўконларида сотиш қулаши билан қўрқитган.
Светлана Тихановская Telegram’да 26 октябрдан мамлакатда миллий иш ташлаш бошланишини маълум қилган.
Аввалроқ Аввалроқ Беларусь президентлигига номзод Светлана Тихановскаянинг мамлакатни тарк этгани ҳақида хабар берилган эди. Кейинчалик Беларусь расмийлари Сергей ва Светлана Тихановскийларга 134 кун ичида биринчи марта суҳбатлашишга рухсат берди.
