Қамчиқ довонида ЙТҲ оқибатида 3 киши ҳалок бўлди
Қамчиқ довонида йўл-транспорт ҳодисаси сабабли 3 киши оғир тан жароҳатлари олиб вафот этди. Бу ҳақда Наманган вилояти ИИБ ЙҲХБ ахборот матбуот хизмати хабар берди.
Ходиса 28 куни соат 04:40ларда А-373 автомобил йўлининг Водий-Тошкент йўналишида содир булган.
Жумладан «Lasseti» автомашинасини бошқариб кетаётган ҳайдовчи ҳаракат хавсизлигини таъминлай олмасдан ўзи билан бир йўналишда ҳаракатланиб келаётган юк машинасига урилган.
Натижада «Lasseti» йўловчиси оғир тан жароҳати билан вафот этган. 2-йўловчи эса шифохонага ётқизилган, — дейилади хабарда.
Мазкур ҳудудда соат 08:39 ларда ҳам «Cobalt» бошқариб кетаётган ҳайдовчи ҳаракат хавфсизлигини таъминлай олмай, бошқарувни йўқотиб ўзи билан бир йўналишда йўлнинг ўнг томонида ҳаракатланиб кетаётган юк машинасининг орқа қисмига ва йўлнинг ўнг томонида ҳаракатланиб кетаётган яна бир юк машинасига бориб урилган.
Ҳодиса оқибатида «Cobalt»да бўлган икки йўловчи оғир тан жароҳатлари билан вафот этган, — деб таъкидланди.
Ҳар икки ҳолат юзасидан Поп туман ИИБ ТБ томонидан ЖКнинг 266-моддаси 2-қисми билан жиноят иши қўзғатилди.
