Байрам муносабати билан «Афросиёб» қатновлари сони оширилди

9 май — Хотира ва қадрлаш куни муносабати билан Самарқанд — Тошкент — Самарқанд йўналишида қўшимча «Афросиёб» поездлари қатнайди. Бу ҳақда Транспорт вазирлиги матбуот хизмати хабар берди.

Қайд қилинишича, 8, 9, 10 ва 11 май кунлари 775/776-сонли «Афросиёб» поезди Самарқанд  — Тошкент — Самарқанд йўналишида қўшимча қатновларни амалга оширади.

Қўшимча қатновлар жадвали:

•  Самарқанд — Тошкент соат 10:55 – 13:15;
•  Тошкент — Самарқанд соат 13:56 – 16:14.

Бу қўшимча қатновлар дам олиш кунларида йўловчиларга қулайлик яратиш мақсадида йўлга қўйилмоқда.