АҚШдан депортация қилинган 24 нафар Ўзбекистон фуқаролари ватанга қайтарилди
Тошкентга Америка Қўшма Штатларининг миграция қонунчилигини бузган Ўзбекистон фуқаролари бўлган чартер рейси етиб келди
Америка миграция қонунчилигини бузгани учун депортация қилинган 24 нафар Ўзбекистон фуқароси бўлган АҚШдан учган чартер рейс бугун тонгда Тошкент халқаро аэропортига қўнди, деб хабар бермоқда Дунё агентлиги.
Ватандошларнинг қайтарилиши Ўзбекистон ва АҚШ ваколатли идораларининг келишилган ҳамкорлиги натижаси эканлиги билдирилди.
Икки томонлама ҳамкорлик доирасида фуқароларнинг шахсини аниқлаш, ҳужжатларни расмийлаштириш ва хавфсиз ташишни таъминлаш каби барча ташкилий-ҳуқуқий тартиб-таомиллар тезкорлик билан келишиб олинди.
