Тошкентда Epica ва Spark тўқнашуви натижасида ёнғин содир бўлди
Тошкент шаҳри Мирзо улуғбек туманида автомобиллар тўқнашуви оқибатида йўнғин содир бўлди. Бу ҳақида Фавқулодда вазиятлар бошқармаси хабар берди.
Қайд этилишича, 24 ноябрь куни соат 23:58 да ФВБга туманнинг Шўртепа 2-тор кўчасида автомобилда ёнғин келиб чиққани ҳақида хабар келиб тушган. Ёнғин-қутқарув техникалари манзилга соат 00:03 да етиб бориб, у соат 00:07 да ўчирилган.
Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.
