Автобус йўлаклари ва тротуарларда ҳаракатланганлик учун жарималар миқдори тасдиқланди
10-апрел куни президент томоидан имзоланган қонун билан автобус йўлакларида ҳаракатланганлик учун жарималар белгиланди.
Ҳужжат билан Маъмурий жавобгарлик тўғрисидаги кодексга ўзгартиришлар киритилиб, автомобилларни тротуарлардан, пиёдалар ва велосипед йўлкаларидан ҳамда уларга туташ ҳудудлардаги яшил майдонлардан юргизганлик, ноқонуний сунъий тўсиқ ва бошқа қурилмалар ўрнатиш билан боғлиқ ҳуқуқбузарликлар учун маъмурий жавобгарлик белгиланди.
Хусусан, ушбу кодексга янги 128−7-моддаси киритилиб, жамоат транспорти учун алоҳида ажратилган йўлакларда ҳаракатланиш қоидаларини бузганлик учун жавобгарлик белгиланди.
Бунда тасмали йўлакдан ҳаракатланиш БҲМнинг 1 (375 минг сўм) баравари миқдорида, худди шундай ҳуқуқбузарлик маъмурий жазо қўлланилганидан кейин бир йил давомида такроран содир этилса — БҲМнинг 3 баравари (1,125 млн сўм) миқдорида жарима солишга сабаб бўлади.
