Сирдарёда 13 ёшли бола қариндошини пичоқлаб ўлдириб қўйди
Сирдарё вилояти Гулистон шаҳрида яшовчи вояга етмаган бола руҳий носоғлом қариндошини ўлдириб қўйди. Бу ҳақида Бош прокуратура матбуот котиби хабар берди.
Аниқланишича, вояга етмаган Ш. А. (ўғил бола, 13 ёшли) ҳудуддаги ташландиқ жойдан ўтиб кетаётган вақтида узоқ қариндоши Ф.Ж. (эркак, 23 ёшли) уни чақириб, қўлидаги пичоқ билан уни ўлдиришини сўраган. Ш. А. буни рад қилганидан сўнг, Ф.Ж. вояга етмаган болани қўрқитган, шу боис у Ф.Ж.ни пичоқ билан қасддан ўлдирган.
Жабрланувчининг жасади Навбаҳор маҳалласи ҳудудидаги каналнинг ташландиқ жойидан топилган.
Бош Прокуратуранинг таъкидлашича, марҳум Ф.Ж. руҳий касалликлар диспансерида «параноид шизофрения эпизодик кечиши» ташси билан ўйхатда урган.
Ҳолат юзасидан Жиноят кодексининг 97-моддаси 2-қисми «в» банди (Айбдорга аён бўлган ожиз аҳволдаги шахсни қасддан ўлдириш) билан жиноят иши қўзғатилиб, дастлабки тергов ҳаракатлари олиб борилмоқда.
