Янги йил арафасида барча йўловчи поездларига қўшимча вагон уланади

Янги йил байрами муносабати билан барча йўловчи поездларига қўшимча вагон уланадиган бўлди.

Маълум бўлишича, 27 декабрдан 2022 йил 9 январгача Тошкент–Бухоро–Тошкент йўналишида «Афросиёб» замонавий поездларининг қатнови йўлга қўйилади. Ҳозиргача фақат ҳафтанинг жума, шанба ва якшанба кунлари соат 09:02 да Тошкент марказий темир йўл вокзалидан ҳаракатини амалга ошириб келаётган замонавий поезд 27 декабрдан 2022 йил 9 январгача ҳар куни соат 09:02 да қатновни амалга оширади.

Шунингдек, ҳар куни соат 15:02 да Бухоро–Тошкент йўналишида қатнов йўлга қўйилади. Ушбу поездлар Самарқанд, Навоий темир йўл вокзалларида ҳам тўхтаб ўтади. Бундан ташқари, байрам кунлари барча йўловчи поездларига қўшимча вагонлар ҳам уланади.