Юқори Чирчиқ туманида Cоbalt ҳайдовчиси пиёдалар ўтиш жойида ўқувчи қизни уриб юборди

30 сентябрь куни ижтимоий тармоқларда Cоbalt ҳайдовчиси ўқувчи қизни пиёдалар ўтиш жойида уриб юборгани акс этган видео тарқалди. Бу ҳақида Тошкент вилояти ИИББ ЙҲХБ матбуот хизмати батафсил маълумот берди.

Ҳодиса 30 сентябрь куни соат 07:45 атрофида Д 014 «Ғазалкент – ​​Чирчиқ – Янгибозор – Жумабозор – Ўртасарой – Нурафшон» автомобиль йўлининг 14-километрида содир бўлган. Аниқлик киритилишича, «Cоbalt» русумли автомашина ҳайдовчиси 26 ёшли М.Н. Жабрланувчи эса 14-мактаб яқинида йўлни кесиб ўтаётган 11 ёшли М.А.

Кадрларда қизнинг мактаб яқинидаги йўлдаги пиёдалар ўтиш жойига қандай яқинлашгани, унинг қарама-қарши томонида қизил байроқли йўл назоратчиси турганини кўриш мумкин. Мактаб ўқувчиси йўлни кесиб ўта бошлаганда, Cоbalt ҳайдовчиси уни катта тезликда уриб юборган. Қиз зарбадан кейин бир неча метр узоқликка йиқилган.

Жабрланувчига шифохонада биринчи тиббий ёрдам кўрсатилган. Ҳозирда у уйига юборилган, дейилади хабарда.

Ҳуқуқ-тартибот органлари ҳолат юзасидан суриштирув ишларини давом эттиришларини таъкидлашган.