Мактаб дарсликлар ижaраси қайта жорий қилиниши мумкин
Ўзбекистонда мактаб дарсликлари ижараси қайта жорий қилиниши таклиф қилинмоқда. Бу ҳақида Иқтисодиёт вазирлиги томонидан ишлаб чиқилган 2025-2027 йилги буджетномада маълум қилинган.
Таклиф «мактабларни дарсликлар билан таъминлашда ота-оналарнинг фаоллигини ошириш»га қаратилган. 2025/2026 ўқув йилидан бошлаб 2−11-синф ўқувчилари учун дарслик ва машқ дафтарлари тўплами учун ижара тўлови ундириш тизимини қайта йўлга қўйиш режалаштирилмоқда.
Лойиҳада қайд этилишича, 2024 йилда бир ўқувчи учун битта дарслик ва иш дафтарларининг ўртача нархи 450−500 минг сўмни (шундан машқ дафтарлари — 100−150 минг сўм) ташкил этган.
Йиғилган 376,6 млрд сўм маблағ ҳар йили ўқувчиларни машқ дафтарлари билан таъминлаш харажатларининг бир қисмини қоплашга йўналтирилади.
Дарсликлар ва машқ дафтарларининг тўлиқ Давлат буджети ҳисобидан чоп этилиши ота-оналар масъулияти пасайиб кетиши ва дарсликларга нисбатан эътиборсиз муносабатда бўлиш ҳолатларини келтириб чиқармоқда, — дейилади буджетнома лойиҳасида.
