2024 йилда 30 мингдан ортиқ ўзбекистонликлар туҳмат ва ҳақорат қилгани учун судланди

Ўзбекистонда 2024 йилнинг 10 ойи давомида туҳмат ва ҳақорат учун жавобгарликка тортилган фуқаролар сони очиқланди. Бу ҳақида Олий Суд матбуот котиби Азиз Обидов маълум қилди.

Унга кўра, 2024 йилнинг январь-октябрь ойларида Маъмурий жавобгарлик тўғрисидаги кодекснинг 40-моддасида назарда тутилган ҳуқуқбузарлик – туҳмат қилишда айбланиб 2 минг 423 нафар фуқаро судланган.

Шунингдек, МЖтКнинг 41-моддасида назарда тутилган ҳуқуқбузарлик – ҳақорат қилишда айбланиб 27 минг 928 нафар шахс маъмурий жавобгарликка тортилган. Олий суд вакили уларнинг барчасига жарима солинганини билдирди.