264 миллиард сўмлик ноқонуний давлат харидлари натижаларини бекор қилинди
2024 йилда Ўзбекистон Коррупцияга қарши курашиш агентлиги 263,9 миллиард сўмлик ноқонуний давлат харидлари натижаларини бекор қилгани ҳақида Коррупцияга қарши курашиш агентлиги матбуот хизмати маълум қилди.
Таъкидланишича, йил давомида агентлик мутахассислари 552,5 миллиард сўмлик 273 та харидни ўрганиб чиқишган.
Ўрганиш натижалари бўйича вазирлик ва идораларга 257 та, ҳуқуқни муҳофаза қилувчи ва назорат органларига 273 та тақдимнома юборилган.
Қонун ҳужжатлари талабларини бузганлиги учун 104 нафар шахс маъмурий жавобгарликка, 85 нафар шахс эса интизомий жазога тортилган.
