АҚШдан депортация қилинган 7 нафар ўзбекистонлик Тошкентга олиб келинди

АҚШдан Коста-Рикага депортация қилиниши режалаштирилган ўзбекистонликларнинг бир қисми Тошкентга етиб келди, деб хабар беради ТИВ матбуот котиби.

АҚШ томони билан олиб борилган музокаралар натижасида Коста-Рикага юборилиши режалаштирилган, лекин ватанга қайтиш ниятида бўлган 7 нафар фуқаромиз 24 феврал куни Ню-Йорк—Тошкент йўналиши бўйича Ўзбекистонга етиб келди, — деб ёзади Аҳрор Бурхонов.

Эслатиб ўтамиз, аввалроқ  ноқонуний ўзбек муҳожирлар АҚШдан Коста-Рикага депортация қилиниши ҳақида хабар берган эдик.