Ҳусанов ЖЧ-2026 биринчи турининг энг тезкор футболчиларидан бирига айланди

Ўзбекистон терма жамоаси ҳимоячиси 36,5 км/соат тезликка эришди

Ўзбекистон терма жамоаси ҳимоячиси Абдуқодир Ҳусанов футбол бўйича 2026 йилги жаҳон чемпионати гуруҳ босқичи биринчи турининг энг тезкор футболчилари қаторидан жой олди, деб хабар бермоқда BBC Sport.

Маълумотларга кўра, Колумбияга қарши ўйинда 22 ёшли футболчи 36,5 км/соат тезликка эришган.

Худди шундай кўрсаткич Норвегия терма жамоаси ҳужумчиси Эрлинг Холанд томонидан ҳам қайд этилган.

Биринчи турнинг энг тезкор футболчиси сифатида Австралия терма жамоаси ҳимоячиси Жордан Бос тан олинди. Туркияга қарши кечган баҳсда у 36,7 км/соат тезликка эришган.