Абдукодир Хусанов ЖЧ-2026нинг энг яхши 100 футболчиси қаторига кирди
The Athletic 2026 йилги жаҳон чемпионатида иштирок этувчи энг яхши 100 футболчи рейтингини эълон қилди. Унга кўра, Ўзбекистон миллий жамоаси ҳимоячиси Абдукодир Хусанов 86-ўринни эгаллади.
Биринчи ўринни Франция терма жамоаси ҳужумчиси Килиан Мбаппе, иккинчини — Норвегия форварди Эрлинг Холанд, учинчи ўринни эса Испания термаси вингери Ламин Ямаль эгаллади.
Топ-10ликка шунингдек Харри Кейн, Педри, Жуд Беллингем, Винисиус Жуниор, Лионель Месси, Кевин де Брёйне ва Жанлуиджи Доннарумма ҳам кирди.
Эслатиб ўтамиз, Хусанов ҳозирда Англиянинг «Манчестер Сити» клубида тўп суради ва терма жамоанинг асосий ўйинчиларидан бири ҳисобланади.
