«Жидда-Тошкент» йўналиши бўйича учаётган самолёт йўловчининг юраги тўхтаб қолгани сабаб Баҳрайнга фавқулодда қўнди
«Жидда – Тошкент» йўналишидаги 9S-3306 рейси бортда юзага келган шошилинч тиббий ҳолат сабабли Баҳрайн аэропортига мажбурий қўнишни амалга оширди.
Аниқланишича, парвоз вақтида ёши катта аёл йўловчининг юраги тўхтаб қолган.
Шундан сўнг, Air Samarkand экипажи ҳаво кемаси командири Дегтев Роман Олегович ва иккинчи учувчи Смирнов Егор Денисович тезкор қарор қабул қилиб, тиббий ёрдам кўрсатиш учун энг яқин аэропортга фавқулодда қўнишни амалга оширган. Самолётга шифокорлар бригадаси чақирилган.
Йўловчининг аҳволини барқарорлаштиришга эришилди, шундан кейин тиббиёт ходимлари уни даволаниш учун маҳаллий клиникага олиб кетишди, — дейилади хабарда.
Рейс ёнилғи қуйиб олгандан сўнг парвозни Тошкентга тахминан 2 соат кечикиш билан давом эттирди ва маҳаллий вақт билан соат 9:49 да қўнишга еришди.
