Эрон Ҳормуз бўғозини ёпиши мумкин
АҚШ зарбаларига жавобан Эрон Ҳормуз бўғозини ёпиш масаласини кўриб чиқмоқда. Бу ҳақда Al Arabiya хабар берди.
Парламент ташаббусни маъқуллаган бўлса-да, якуний қарор ҳали қабул қилинмаган.
Ҳормуз бўғози дунё бўйича экспорт қилинадиган нефть ва газнинг 20% и ўтадиган стратегик йўлак бўлиб, Эрон ва Уммон ўртасида жойлашган.
Бўғознинг ёпилиши, ҳаттоки вақтинча бўлса ҳам, халқаро нефть нархларининг кескин ошишига, минтақавий кескинлик кучайишига ва энергия танқислигига олиб келиши мумкин.
Мазкур таҳдид Исроил билан уруш авж олган, Эрон ядро объектларига АҚШ томонидан зарба берилган бир пайтда билдирилгани уни янада жиддийлаштиради, дейилади хабарда.
Якуний қарор Эрон Олий миллий хавфсизлик кенгашига тегишли бўлиб, вазиятнинг ривожланиши сиёсий музокаралар ва можаронинг боришига боғлиқ.
