Тошкентда йигит қиздан интим материалларни тарқатмаслик эвазига пул талаб қилди
Гумонлавнувчи пулларни олаётган вақтида ашёвий далиллар билан қўлга олинди
Тошкентнинг Сергели туманида қизни интим фотосуратлар ва видеоёзувларни тарқатиш билан қўрқитган йигит қўлга олинди. Бу ҳақда ИИВ матбуот хизмати хабар бермоқда.
Маълумотларга кўра, 18 ёшли қиз қўлга олинган шахс билан Instagram орқали танишган. Йигит ўз ниятлари жиддий эканлигини айтиб, қиздан унга интим характердаги материалларни юборишини талаб қилган.
Бир қанча вақт ўтгач, йигит фото ва видеоларни ижтимоий тармоқларда тарқатиш билан таҳдид қилиб, қиздан 300 доллар талаб қила бошлаган.
Тезкор тадбир давомида товламачи 200 доллар олаётган вақтида ашёвий далиллар билан қўлга олинди.
Жиноят кодексининг 165-моддаси 1-қисми (товламачилик) билан жиноят иши қўзғатилди.
