Ўзбекистон иқтисодиёти йил бошидан бери 8,5% ўсди

Инвестициялар ҳажми 28 млрд долларга етди, экспорт эса 14,4 млрд долларни ташкил этди

2026 йил бошидан бери Ўзбекистон иқтисодиёти 8,5%га ўсди, деб хабар берди Президент Шавкат Мирзиёев биринчи ярим йилликда ҳудудлар ва тармоқлардаги иқтисодий ўсиш суръатлари таҳлилига бағишланган йиғилишда.

Давлат раҳбарининг сўзларига кўра, саноат ўсиши 8%, хизмат кўрсатиш соҳаси — 16,9%, қурилиш — 13,8%, қишлоқ хўжалиги эса 4,7% ташкил этди.

Инвестициялар ҳажми 28 миллиард долларга, экспорт эса 14,4 миллиард долларга етди. Нуфузли «Fitch» ва «Moody’s» халқаро рейтинг агентликлари мамлакатимиз суверен кредит рейтингини бир поғона яхшилади.

Шу билан бирга, давлат раҳбари 40 миллионли аҳоли ҳаётини яхшилаш учун 9-10% иқтисодий ўсиш зарурлигини таъкидлади.