Тошкент вилоятида жамоат транспорти учун янги тарифлар жорий этилади
Ҳужжатда лимитсиз йўл чипталари ва фуқароларнинг алоҳида тоифалари учун имтиёзли тарифлар кўзда тутилган
Тошкент вилоятининг шаҳарларида жамоат транспорти учун янги тариф тизими тасдиқланди. Бу ҳақда Халқ депутатлари Кенгашининг тегишли қарорида маълум қилинган.
Ҳужжатга мувофиқ, транспорт ёки банк картаси билан тўлов қилинганда бир марталик йўл ҳақи 2 000 сўм бўлади. Нақд пулда тўланганда эса 2 600 сўмни ташкил этади, бир бўлак багажни ташиш учун ҳам худди шунча тўлов белгиланган.
Шунга қўшимча равишда, йўловчилар учун янги тариф режалари киритилмоқда: 1, 7, 90, 180 ёки 365 кунлик чекланмаган проезднойлар ҳамда 5, 10, 15, 20 ёки 30 кунга мўлжалланган муайян қатновлар сонига эга абонементлар.
Пенсионерлар, ногиронлиги бўлган шахслар, талабалар ва мактаб ўқувчилари учун имтиёзли тарифлар киритилади. Жумладан, бир кунлик чекланмаган йўл чиптаси 8 минг сўм ўрнига 4 минг сўмни ташкил этади. Транспорт картасига эга бўлган йўловчилар эса қулай ўтказиш тарифларидан фойдаланишлари мумкин.
