Оксана Чусовитина бадиий гимнастика бўйича жаҳон кубоги финалига чиқди
Боку шаҳрида ўтаётган спорт гимнастикаси бўйича Жаҳон кубогининг дастлабки саралаш баҳслари ортда қолди. Унда Ўзбекистон терма жамоаси аъзоси Оксана Чусовитина таяниб сакраш дастурида финал йўлланмасини қўлга киритди.
Жумладан, Оксана Чусовитина квалификацияда 13.049 балл билан учинчи поғонани эгаллади. Мазкур йўналишдаги финал 7-март санасига белгиланган. Шунингдек, у тўсиндаги машқ дастурида ҳам саралаш босқичида қатнашади.
Шунингдек, Абдулазиз Мирвалиев ва Ҳумоюн Исмоилов эркин машқ, Расулжон Абдураҳимов эса параллел брусдаги машқда иштирок этишган. Бироқ улар тўплаган балл финал учун етарли бўлмаган.
