Click орқали ўтказмалар: карта ёки телефон рақамисиз
Тезлик ва қулайлик муҳим бўлган замонда Click мобил тўловлар учун янги имкониятларни тақдим этади
Click Boom ва офлайн оʻтказмалар функсиялари билан Click пул оʻтказмаларини деярли пул телепортатсияси деб аташ мумкин боʻлган даражага кўтаради.
Click Boom — тезкор ўтказмалар
Ўтказмани амалга ошириш учун иккала фойдаланувчи бир-бирига яқин бўлиши, уларнинг смартфонларида эса Click SuperApp иловасидаги Click Boom бўлими очиқ бўлиши лозим. Маблағ ўтказувчи махсус «радар» ёрдамида яқин атрофдаги барча қабул қилувчиларни кўриши ва карта ёки телефон рақамларини киритмасдан, атиги бир нечта кликда пул юбориши мумкин. Ўтказиш жараёни шунчалик оддий ва тезки, уни ҳатто ҳавода ҳам амалга ошириш мумкин:
Офлайн пул ўтказмалари
Click SuperApp иловаси ҳатто Интернетга уланиш бўлмаган ҳолларда ҳам пул ўтказиш имконини беради. Интернетсиз пул ўтказиш учун қуйидагиларни амалга ошириш лозим:
• Click SuperApp-да офлайн тизимни фаоллаштириш;
• ўтказмалар бўлимига ўтиш;
• қабул қилувчининг телефон ёки карта рақамини ҳамда ўтказма суммасини киритиш;
• «давом этиш» тугмасини босиш ва сўровни юбориш.
Мазкур функция саёҳат қилаётганда ёки интернет барқарор бўлмаган жойлар учун қулайдир: масалан, маблағни Қорақалпоғистоннинг олис чеккаларидан, Чимён орқали ўтадиган гўзал йўлда кетаётганда ёки Сурхондарё тоғлари бўйлаб саёҳат қилаётганда жўнатиш мумкин. Тизим Ўзбекистоннинг деярли ҳамма жойида ишлайди.
Click билан молиявий операциялар осонроқ, хавфсизроқ ва янада тезроқ. Янги функциялар эса иловани янада қулайлаштиради ва кундалик ҳаётда янада кўпроқ вазифаларни бажариш имконини беради.
